BR28713007 – Жаңартылатын энергия көзі (ЖЭК) ретінде тікелей пайдалану үшін Қазақстанның оңтүстігіндегі шөгінді бассейндердің геотермалдық ресурстарын зерттеу

Мақсаты – Елдің энергетикалық әлеуетіне экологиялық таза жаңартылатын энергия көздерін тарту үшін жылу және электр энергиясын өндірудің геотермалдық ресурстарын зерттеу.

Жобаның өзектілігі: Қазақстанның геотермалдық ресурстары экологиялық таза энергия өндіру үшін маңызды, бірақ жеткіліксіз зерттелген әлеуетке ие, ал көміртегі ізін азайту және энергетиканы әртараптандыру қажеттілігі бұл бағыттың өзектілігін арттырады. Бағдарлама осы ресурстарды кешенді зерттеп, оларды елдің энергетикалық жүйесіне тиімді енгізуді көздейді. Негізгі мәселелерге геотермалдық әлеует туралы жүйелі деректердің болмауы және дәстүрлі энергия көздеріне тәуелділік жатады. Зерттеулер геологиялық және гидрогеологиялық талдау, далалық және зертханалық жұмыстар арқылы жүргізіліп, Алматы, Жаркент, Түркістан, Арыс және "Қорғас" аймақтарында геотермалдық энергияны пайдаланудың пилоттық шешімдерін әзірлеуге бағытталады.

Ғылыми жетекші: Техникалық ғылымдар кандидаты, Қауымдастырылған профессор, Әуелхан Ерғали Сатышұлы

Күтілетін және қол жеткізілген нәтижелер: Жоба нәтижесінде халықаралық (Web of Science, Scopus) және ұлттық журналдарда жарияланымдар, монография және патенттер түріндегі ғылыми өнімдер алынады. Жоба аясында Жаркент, Алматы және Арыс шөгінді бассейндеріндегі геотермалдық ресурстарға далалық зерттеулер жүргізіліп, олардың әлеуеті бағаланады. Сонымен қатар шетелдік тәжірибе зерттеліп, геотермалдық ресурстарды тиімді пайдалану бойынша деректер талданып, ғылыми негіздеме әзірленеді. Геотермалдық сулардың қалыптасу жағдайлары, таралуы, химиялық құрамы мен минералдануы кешенді түрде зерттеледі. Алынған нәтижелер негізінде олардың су және жылу әлеуеті анықталады. Геотермалдық энергияны Алматы, Жаркент, Түркістан, Арыс және "Қорғас" аймақтарында пайдалану үшін пилоттық бағдарлама әзірленеді. Сондай-ақ жоба барысында жоғары білікті ғылыми кадрлар даярланады.