Spin-off жобалары

Spin-off жобалары — бұл университет базасында ғылыми әзірлемелерді, технологиялар мен инженерлік шешімдерді нарыққа шығару мақсатында құрылатын инновациялық компаниялар. Мұндай компаниялар университеттің, зерттеу топтарының, қызметкерлердің, білім алушылардың, сондай-ақ сыртқы инвесторлар мен серіктестердің қатысуымен ЖШС нысанында құрылады.

Spin-off жобаларының негізгі мақсаты — Satbayev University-де әзірленген ғылыми және ғылыми-техникалық қызмет нәтижелерін технологиялық трансферлеу және коммерцияландыру. Бұл механизм ғылымды, білім беруді және бизнесті тиімді байланыстырып, университеттің тұрақты инновациялық экожүйесін қалыптастыруға мүмкіндік береді.

Spin-off дегеніміз не

Spin-off — университетте әзірленген ғылыми әзірлеме, инженерлік шешім, патент, бағдарламалық өнім немесе өзге технология негізінде құрылған дербес компания. Оның негізгі міндеті — зерттеу нәтижелерін экономиканың нақты секторына енгізу, коммерциялық табысты өнім жасау және инвестиция тарту.

Мақсаттары мен міндеттері

Университеттегі spin-off жобалары келесі міндеттерді шешеді:

• ғылыми әзірлемелер мен технологияларды коммерцияландыру;
• жаңа жоғары технологиялық компаниялар құру;
• профессор-оқытушылар құрамы мен білім алушыларды кәсіпкерлік қызметке тарту;
• инвестициялар мен стратегиялық серіктестерді тарту;
• университеттің инновациялық және стартап экожүйесін дамыту;
• ғылыми нәтижелер негізінде тұрақты бизнес-модельдер қалыптастыру.

Нормативтік база

Spin-off компаниялардың қызметі «Қ.И. Сәтбаев атындағы ҚазҰТЗУ» КеАҚ spin-off / startup компанияларын құру және дамыту туралы Ережемен реттеледі. Құжат компанияларды құру тәртібін, университеттің құрылтайшылар құрамына қатысуын, үлестерді бөлуді, басқару, қаржыландыру және зияткерлік меншік объектілерін пайдалану мәселелерін айқындайды.

Ағымдағы көрсеткіштер

Қазіргі таңда университетте 22 spin-off компания жұмыс істейді, оның ішінде:

• 14 — сыртқы кәсіпорындармен бірлесіп құрылған spin-off жобалар;
• 8 — ғылыми әзірлемелерді коммерцияландыру нәтижесінде құрылған компаниялар;
• 2 млрд теңге — жасалған офтейк-шарттардың жалпы сомасы.

Біздің тәсіл

Университет spin-off компанияларға кешенді қолдау көрсетеді:

• құқықтық сүйемелдеу;
• құрылтайшылар құрамына қатысу;
• университет инфрақұрылымына қолжетімділік;
• инвестиция тартуға жәрдемдесу;
• зияткерлік меншік мәселелері бойынша сүйемелдеу;
• акселерациялық және менторлық бағдарламалар;
• нарыққа шығу және халықаралық даму бойынша қолдау.

Нәтиже

Spin-off жобалары ғылыми зерттеулерді нарық пен өнеркәсіп сұранысына ие нақты өнімдерге, технологиялар мен қызметтерге айналдырудың маңызды құралы болып табылады.