Келісімшарттық зерттеу

Нәтижелі  ғылым: Satbayev University  мен  бизнес  ынтымақтастығы  жаңа  белестерде 

Бүгінгі  таңда  Satbayev University —  Қазақстандағы  ғылым  мен  ірі  бизнес  арасындағы  негізгі  алтын  көпір.  Біз  «ғылым  ғылым  үшін»  деген  түсініктен  арылып,  зауыттар  мен  кен  орындарының  нақты  мәселелерін  шешуге  көштік. 

Нәтиже  айқын:  соңғы  5  жылда  бизнестің  біздің  ғалымдарға  деген  сенімі  7  есе  артты. 2025  жылы  өндірістік  компаниялардан  түскен  тапсырыс  көлемі  рекордтық  2  миллиард  теңгеге  жетті. 

Біздің  жобаларымыз  және  БҰҰ  Тұрақты  даму  мақсаттары  (ТДМ)  Әлемдік  деңгейде  танылу  (QS  рейтингі)  үшін  біздің  әзірлемелеріміздің  табыс  әкеліп  қана  қоймай,  әлемді  жақсартуға  үлес  қосқаны  маңызды.  Біз  негізгі  жобаларымызды  Тұрақты  даму  мақсаттары  бойынша  жіктедік: 

• Индустрияландыру,  инновациялар  және  инфрақұрылым  (9-ТДМ):  35  жоба.  KAZ  Minerals  Aktogay,  ERG  және  «Қаражанбасмұнай»  сияқты  алпауыттар  үшін  жаңа  технологиялар  әзірлеудеміз. 
• Арзан  әрі  таза энергия (7-ТДМ):  12  жоба.  «ҚазТрансОйл»  компаниясына  ресурстарды  тиімді  әрі  шығынсыз  тасымалдауға  көмектесеміз. 
• Жауапты  тұтыну  мен  өндіріс  (12-ТДМ):  10  жоба.  «ҚАЗГЕОЛОГИЯ»  және  Meerbusch  компанияларымен  бірлесіп  «жасыл»  технологияларды  енгізудеміз. 
• Таза су  және  санитария (6-ТДМ):  6  жоба.  «Кен-Сары»  компаниясымен  бірге  жерасты  суларын  іздеу  және  қорғау  жұмыстарын  жүргіземіз. 

Инвестициялардың  өсу  динамикасы: 

• 2020  жыл:  276 млн  теңге  —  үлкен  жолдың  бастауы. 
• 2023  жыл:  1,6 млрд  теңге  —  айтарлықтай  серпіліс  (63  ірі  келісімшарт). 
• 2025  жыл:  2,016 млрд  теңге  —  тарихи  көрсеткіш! 

Бұл  неліктен  маңызды?  Компаниялардың  біздің  зерттеулерімізге  салған  әрбір  теңгесі  жаңа  патенттерге,  жұмыс  орындарына  және  экологиялық  таза  өндіріске  айналады.  Біз  қазақстандық  ғылымның  табысты  әрі  бүкіл  планета  үшін  пайдалы  бола  алатынын  дәлелдеп  келеміз. 

Келісімшарттық  зерттеулер 

Келісімшарттық зерттеулер - ғылым, білім беру және өндіріс арасындағы өзара іс-қимылдың тиімді құралы болып саналады. Ол компаниялар мен ұйымдарға өзекті өндірістік, технологиялық және инженерлік міндеттерді шешу үшін Satbayev University-дің ғылыми, кадрлық және инфрақұрылымдық әлеуетін пайдалануға мүмкіндік береді. 

Satbayev University шарттық негізде ғылыми-зерттеу жұмыстары (ҒЗЖ) мен ғылыми-зерттеу және тәжірибелік -конструкторлық жұмыстарды (ҒЗТКЖ) орындау бойынша қызметтер көрсетеді. Университет қолданбалы зерттеулер жүргізуге де, экономиканың нақты секторына арналған практикалық шешімдер әзірлеуге де бағытталған әртүрлі күрделілік деңгейіндегі жобаларды іске асырады. 

Біз жобаны толық сүйемелдеуді ұсынамыз: мәселені айқындау мен талдаудан бастап технология әзірлеуге, сынақтар жүргізуге, ғылыми-техникалық құжаттаманы дайындауға және нәтижелерді өндіріске енгізу бойынша ұсынымдар қалыптастыруға дейін. 

Келісімшарттық зерттеулер аясында университетпен ынтымақтастық жасау тапсырыс берушіге заманауи ғылыми тәсілдерге, мамандандырылған жабдыққа, ғалымдар мен зерттеушілердің сараптамалық біліміне, сондай-ақ бизнес пен өнеркәсіп мүддесі үшін кешенді міндеттерді шеше алатын пәнаралық командаларға қол жеткізуге мүмкіндік береді. 

Тапсырыс беруші кім бола алады 

Satbayev University ҒЗЖ және ҒЗТКЖ орындауға заңды тұлғалармен де, жеке тұлғалармен де шарттар жасай алады. 

Жеке тұлғалар университетке арнайы білімді, зертханалық базаны, есептеулерді, талдауды, сынақтарды немесе сараптамалық сүйемелдеуді талап ететін нақты ғылыми, техникалық немесе инженерлік міндеттерді шешу қажет болған жағдайда жүгіне алады. 

Заңды тұлғалар - өнеркәсіптік кәсіпорындар, өндірістік компаниялар, жер қойнауын пайдаланушылар, энергетика, мұнай-газ, металлургия, машина жасау, құрылыс және өзге де ұйымдар - университеттің ғылыми әлеуетін мынадай мақсаттарда пайдалана алады: 

• жаңа технологиялар мен техникалық шешімдерді әзірлеу; 
• қолданыстағы өндірістік процестерді жетілдіру; 
• қолданбалы зерттеулер мен сынақтар жүргізу; 
• сараптамалық, талдамалық және инженерлік қолдау көрсету; 
• жаңа өнімдер, материалдар мен шешімдер жасау; 
• инновациялық және инвестициялық жобаларды ғылыми-техникалық сүйемелдеу. 

Жұмыстың негізгі бағыттары 

Университет ғылыми-техникалық бағыттардың кең ауқымы бойынша ҒЗЖ және ҒЗТКЖ орындайды, оның ішінде: 

• геология және геологиялық барлау; 
• тау-кен ісі және геомеханика; 
• мұнай-газ саласы; 
• металлургия және пайдалы қазбаларды байыту; 
• химиялық технологиялар; 
• экология және табиғатты ұтымды пайдалану; 
• энергетика; 
• материалтану; 
• цифрлық, инженерлік және өндірістік технологиялар. 

Осы бағыттардағы келісімшарттық зерттеулер кәсіпорындардың өзекті міндеттерін шешуге, өндіріс тиімділігін арттыруға, технологиялық тәуекелдерді төмендетуге, инновацияларды енгізуге және экономика салаларының ғылыми-техникалық әлеуетін дамытуға бағытталған. 

Ынтымақтастық форматтары 

Келісімшарттық зерттеулер аясында Satbayev University мынадай өзара іс-қимыл форматтарын ұсынады: 

• ғылыми-зерттеу жұмыстарын орындау; 
• ғылыми-зерттеу және тәжірибелік-конструкторлық жұмыстарды орындау; 
• зертханалық және талдамалық зерттеулер жүргізу; 
• инженерлік есептеулер мен модельдеу; 
• ғылыми-техникалық сараптама; 
• технологиялық ұсынымдар әзірлеу; 
• тәжірибелік-эксперименттік зерттеулер; 
• жобаларды консультациялық және сараптамалық сүйемелдеу. 

Тапсырыс беруші не алады 

Келісімшарттық зерттеулерді орындау қорытындысы бойынша тапсырыс беруші мыналарды ала алады: 

• ғылыми-техникалық есеп; 
• талдамалық қорытынды; 
• сынақтар мен зерттеулер нәтижелері; 
• енгізу бойынша ұсынымдар; 
• техникалық және технологиялық шешімдер; 
• жобалық, есептік немесе конструкторлық құжаттама; 
• тәжірибелік үлгі, әдістеме немесе технологиялық схема; 
• нәтижелерді енгізуді ғылыми сүйемелдеу. 

Satbayev University-пен ынтымақтастықтың артықшылықтары 

Университетпен келісімшарттық зерттеулер аясындағы ынтымақтастық мыналарды қамтамасыз етеді: 

• білікті ғалымдарға, зерттеушілерге және салалық мамандарға қол жеткізу; 
• заманауи ғылыми, зертханалық және инженерлік инфрақұрылымды пайдалану; 
• күрделі міндеттерді шешудегі пәнаралық тәсіл; 
• шешімдерді нақты өндірістік жағдайларға бейімдеу; 
• жобаны іске асырудың барлық кезеңдерінде сүйемелдеу; 
• практикалық нәтижеге және енгізуге бағдарлану; 
• тапсырыс берушінің инновациялық әлеуеті мен бәсекеге қабілеттілігін нығайту. 

Университетте зерттеу нәтижелерінің практикалық қолданылуына, оларды өндірістік процестерге енгізуге және ғылыми-техникалық әзірлемелерді кейіннен коммерцияландыруға ерекше көңіл бөлінеді. 

Серіктестер 

Satbayev University жетекші кәсіпорындармен, ұлттық компаниялармен, ғылыми-зерттеу орталықтарымен және өндірістік ұйымдармен белсенді ынтымақтастық жасайды. Мұндай өзара іс-қимыл қолданбалы ғылымды дамытуға, сұранысқа ие технологиялық шешімдерді қалыптастыруға және университет пен экономиканың нақты секторы арасындағы байланысты нығайтуға ықпал етеді. 

Университет серіктестерінің қатарында: 

• «ERG» ғылыми-зерттеу инжиниринг орталығы» ЖШС; 
• «Қазақмыс корпорациясы» ЖШС; 
• Атырау мұнай өңдеу зауыты (АМӨЗ); 
• «ҚазТрансОйл» АҚ; 
• «Астана-Моторс мотор компаниясы» ЖШС; 
• «Хорасан-U» ЖШС; 
• «Қазақалтын» ЖШС; 
• «Семізбай» ЖШС және т.б. 

Осы ұйымдармен бірлескен жобалар өзекті ғылыми-техникалық, өндірістік және технологиялық міндеттерді шешуге, инновацияларды дамытуға, процестердің тиімділігін арттыруға және зерттеу нәтижелерін кәсіпорындардың практикалық қызметіне енгізуге бағытталған.