BR27198643 – Ғылым, білім және өнеркәсіптің кластерлік өзара әрекеттесуі арқылы өнеркәсіп пен логистикадағы адами капиталдың цифрлық құзыреттерін дамыту
Мақсаты – Қазақстан өнеркәсібінде (машина жасауда, химия өнеркәсібінде және логистикада) цифрландыру деңгейі мен дәрежесін зерттеу және бағалау, цифрлық технологияларға бейімделудің артта қалу себептерін анықтау және цифрландыру процестерін жақсарту бойынша стратегиялық ұсыныстар әзірлеу.
Жобаның өзектілігі: Қазақстанда цифрландыру қарқынды дамып жатқандықтан, қызметкерлердің цифрлық құзыреттерін жетілдіру табысты трансформацияның негізгі факторы болып табылады. Осы мақсатта шетелдік тәжірибе мен отандық өндірістік компаниялардағы адами капиталдың қазіргі деңгейін талдау негізінде цифрлық жетілу моделі әзірленеді. Бұл модель компанияларға қызметкерлердің цифрлық деңгейін бағалап, стратегиялық даму шешімдерін қабылдауға мүмкіндік береді. Бағдарлама аясында ғылыми ұйымдар мен өндіріс арасындағы кластерлік платформа құрылып, құзыреттерді дамыту, мониторинг жүргізу және цифрлық кадрларға болашақ қажеттілікті болжау қамтамасыз етіледі.
Ғылыми жетекші: Техникалық ғылымдар кандидаты, қауымдастырылған профессор, Мұханова Гүлмира Самудинқызы
Күтілетін және қол жеткізілген нәтижелер: Бағдарлама аясында бизнес, ғылым және білім арасындағы ынтымақтастықты қамтамасыз ететін зертхана құрылып, цифрлық технологияларды әзірлеу, сынау және енгізу үшін негіз қалыптастырылады. Машина жасау, химия өнеркәсібі және көлік-логистика салаларында цифрлық платформаларды пайдалану бағаланып, олардың тиімділігін арттыруға, бизнес-процестерді оңтайландыруға және цифрландыру саясатын жүзеге асыруға арналған ғылыми негізделген ұсынымдар әзірленеді. Сонымен қатар цифрландыруға арналған әдістемелік база құрылып, ресурстарды тиімді басқару мен материалдық құндылықтарды қадағалау жүйелері енгізіледі. Нәтижелер ғылыми жарияланымдар, монография және патенттер түрінде рәсімделіп, халықаралық және ұлттық деңгейде ұсынылады.
Жарияланымдар тізімі
- Kiizbayeva Zh., Turegeldinova A., Amralinova B., Sarkambayeva Sh., Mukhanova G.S., Kazykeshova A.T. Design thinking: an overview of needfinding in education // Вестник КазУТБ. – 2025. – № 1 (26). – С. 580–591. – DOI: https://doi.org/10.58805/kazutb.v.1.26-794.
- Turegeldinova A., Amralinova B., Fodor M.M., Eraliyeva A., Dayou C., Joldassov A. Institutions complement diffusion but reconfigure enablers on the road to triple transition: evidence from Creative Europe projects // Frontiers in Communication. – 2025. – Vol. 10. – DOI: https://doi.org/10.3389/fcomm.2025.1730576.