AP25796271 – Ванадий ағынды батареялар үшін жоғары кеуекті электродтарды дайындау және зерттеу

Мақсаты –Титан диоксиді нанотүтікшелері (TiNT) және көміртегі материалы (C) синтезін пайдалана отырып, жоғары меншікті бетінің ауданы бар кеуекті электродтарды алу, әрі қарай ванадий ағынының батареяларында пайдалану үшін N-қоспасын қолдану болып табылады.

Жобаның өзектілігі: Қазіргі таңда жаңартылатын энергияны тиімді сақтау маңызды мәселе болып табылады. Ванадий ағыны батареялары перспективалы болғанымен, олардың төмен энергия тиімділігі қолданылуын шектейді. Бұл көбіне көміртекті электродтардың каталитикалық белсенділігінің төмендігімен байланысты. Сондықтан электрод материалдарын жетілдіру үшін жаңа технологияларды қолдану қажет. Осы зерттеу энергия сақтау тиімділігін арттыруға бағытталған.

Ғылыми жетекші: Жаратылыстану ғылымдарының магистрі, «Физика-техникалық институт» ЖШС Электрохимия және ванадий ағынды батареялар зертханасының меңгерушісі міндетін атқарушы Умирзаков Арман Ганидинұлы.

Күтілетін және қол жеткізілген нәтижелер: Зерттеу барысында TiO₂ нанотүтікшелерін синтездеудің оңтайлы шарттары анықталып, олардың жоғары құрылымдық және физика-химиялық қасиеттері дәлелденді. TiNT/C және N-легирленген композиттік материалдар алынып, олардың электрод ретінде тиімділігі эксперименттік түрде расталды. Алынған нәтижелер негізінде ванадий ағынды батареяларына арналған жетілдірілген электродтар әзірленді. Бұл шешімдер электрохимиялық белсенділікті арттырып, энергия сақтау жүйелерінің тиімділігін жоғарылатуға мүмкіндік береді.