AP25794615 – Механикалық қасиеттері жақсартылған қайталама алюминий қорытпаларын өндіруді оңтайландыру әдістерін зерттеу және әзірлеу
Мақсаты – Жобаның мақсаты қайталама материалдардан механикалық және эксплуатациялық қасиеттері жақсартылған алюминий қорытпаларын циклдің басынан түпкілікті өндіруге дейін өндірісті оңтайландыру әдістерін зерттеу және әзірлеу, сондай-ақ перспективалы экономды легірленген өнім алу үшін өндірісті оңтайландыру бойынша ұсыныстар беру.
Жобаның өзектілігі: Қазіргі уақытта қайталама материалдарға, әсіресе алюминий өндірісінің қалдықтарын қайта өңдеуге қызығушылық айтарлықтай артқан. Қазақстандағы өнеркәсіп саласында алюминий қорытпаларын тиімді пайдалану мен сапасын жақсарту өзекті мәселе болып отыр. Қайталама қорытпалардың механикалық және технологиялық қасиеттерін арттыру, олардың фазалық құрамын оңтайландыру маңызды. Бұл зерттеу өнімділікті арттыруға, технологиялық циклді қысқартуға және қоршаған ортаға зиянды әсерді азайтуға мүмкіндік береді. Сонымен қатар, жобаның нәтижелері оқу процесін жақсартуға және ғылыми әлеуетті дамытуға үлес қосады. Қайталама алюминий қорытпаларын қолдану арқылы өндіріс шығындарын азайту және бәсекеге қабілеттілікті арттыру маңызды болып қала береді.
Ғылыми жетекші: PhD, Майлыбаева Айжан Диясовна
Күтілетін және қол жеткізілген нәтижелер: Зерттеу барысында қайталама алюминий қорытпаларының фазалық құрамы, құрылымы және қасиеттеріне әртүрлі легирлеуші элементтердің әсері талданды. Марганец α-фазаны тұрақтандырып, темір фазаларының түрленуін жылдамдататыны, ал кремний бұл процессті баяулатып, β-фазаны тұрақтандыратыны анықталды. Мыс пен хромдың төмен концентрациясы фазалық құрамға аз әсер етеді, ал магний темір фазаларының түрлену жылдамдығына әсер етпейді. Алынған нәтижелер технологиялық циклді қысқарта отырып, механикалық қасиеттері жақсартылған экономды легирленген алюминий қорытпасын өндіруді оңтайландыру бойынша ұсыным жасауға мүмкіндік береді. Жұмыстың нәтижелері халықаралық және отандық конференцияларда, рейтингтік журналдарда жарияланады, сондай-ақ оқу орындары мен кәсіпорындарда қолдануға бағытталған. Жоба қайталама материалдарды тиімді пайдалану арқылы өндіріс шығындарын азайтуға және қоршаған ортаға әсерді төмендетуге мүмкіндік береді.
Жарияланымдар тізімі
- Akmyrzhaev, N.; Ryskeldinova, S.; Mailybayeva, A.; Kozhamkulov, Y.; Sagimbaeva, A.; Myrzakhmetov, Y.; Burashev, Y.; Kozhabergenov, N.; Usserbaev, B.; Assanzhanova, N. Phylogenetic analysis of Newcastle disease virus: strain isolated from domestic poultry and its vaccination potential development in the Republic of Kazakhstan. Vaccines 2025, 13, 440. https://doi.org/10.3390/vaccines13050440. Received: 14 February 2025; Revised: 31 March 2025; Accepted: 11 April 2025; Published: 23 April 2025. © 2025 by the authors. Distributed under the terms of the Creative Commons Attribution (CC BY) License (https://creativecommons.org/licenses/by/4.0/).