AP25794391 – Механикаландырылған мұнай ұңғымаларының жағдайын бақылау, диагностикалау және болжамды талдау үшін Machine Learning әдістерін зерттеу және енгізу
Мақсаты – Мұнай өндіру ұңғымалары жабдықтарының техникалық жағдайын бақылауға, ықтимал ақауларды дәл диагностикалауға және олардың пайда болуын болжауға мүмкіндік беретін Machine Learning әдістеріне негізделген интеллектуалды жүйені зерттеу және дамыту. Жобаның мақсаты жөндеу шығындарын азайтуға және өндіріс тиімділігін арттыруға мүмкіндік беретін ұңғымалардың ықтимал ақауларын ерте анықтау құралдарын жасау болып табылады.
Жобаның өзектілігі: Мұнай-газ саласы үнемі дамып, өндірістік процестерді оңтайландыру үшін үлкен көлемдегі деректерді генерациялайды. Цифрлық трансформация жағдайында үлкен деректерді талдау кәсіпорындардың тиімділігін арттырудың негізгі факторы болып отыр. Жасанды интеллект пен Machine Learning әдістерін қолдану өндірістік шешімдерді дәл және уақытылы қабылдауға мүмкіндік береді. Болжау үлгілері жабдықтың тоқтап қалу тәуекелдерін азайтуға және активтерді тиімді басқаруға көмектеседі. Осыған байланысты мұнай-газ саласында интеллектуалды аналитикалық жүйелерді енгізу өзекті болып табылады.
Ғылыми жетекші: Актаукенов Даур Акконусович
Күтілетін және қол жеткізілген нәтижелер: Жоба аясында ұңғыма жабдықтарындағы ақауларды ерте анықтауға арналған Machine Learning моделі әзірленді және оқытылды. Бұл жүйе жөндеу жұмыстарын уақытылы жоспарлауға, ұңғымаларды пайдалану сенімділігін арттыруға және техникалық қызмет көрсету процесін оңтайландыруға мүмкіндік береді. Интеллектуалды ұсыныстар жүйесі тарихи деректер мен заманауи алгоритмдерге негізделген, ол жабдықтың ақаулық ықтималдығын дәл болжай алады. Әлеуметтік-экономикалық әсері – жаңа жұмыс орындарын ашу және бюджетке түсетін салықтарды арттыру. Экологиялық аспект бойынша жоба қоршаған ортаға теріс әсерді азайтуға ықпал етеді. Ғылыми-техникалық жаңалығы – мұнай-газ саласында жасанды интеллект және бейімделгіш болжамдық модельдерді енгізу. Халықаралық маңызы – нәтижелер әлемдік ғылыми қауымдастыққа қызықты және басқа елдерде қолдануға болады.