AP22788736 – Энергияны сақтау жүйелері үшін иондық полимерлер ретінде полиамфолиттер синтезі мен зерттеу негізі
Жоба мақсаты: Жобаның мақсаты энергия сақтау жүйелері үшін жоғары зарядталған полиамфолит негізіндегі полимер электролиттерін синтездеудің ғылыми негіздерін жасау, сонымен қатар олардың физика-химиялық, механикалық, реологиялық және өткізгіштік қасиеттерін зерттеу.
Жоба өзектілігі: Энергия сақтау жүйелері қазіргі уақытта әлемдік энергетика мен экология саласында маңызды мәселелердің бірі болып табылады. Жаңартылатын энергия көздері мен электрлі көліктердің дамуының артуы бұл мәселеге ерекше назар аударуды қажет етеді. Энергия сақтау жүйелерінің тиімділігі мен тұрақтылығын арттыру үшін жаңа материалдар мен технологияларды зерттеу маңызды. Полимерлер, оның ішінде полиамфолиттер, энергияны сақтау саласындағы жаңа мүмкіндіктерді ұсынады, бірақ олардың қасиеттері мен қолдану аясы әлі толық зерттелмеген. Бұл жобаның өзектілігі осы бағыттағы ғылыми ізденістерді тереңдетіп, полиамфолит негізіндегі полимер электролиттерінің жаңа тиімді шешімдерін табуға бағытталған.
Ғылыми жетекші: Ph.D. докторы, Төлеутай Гаухар
Күтілетін және қол жеткізілген нәтижелер: Полиамфолит негізіндегі гидрогельдердің тұтқыр-серпімді қасиеттері реологиялық сынақтар арқылы зерттеліп, барлық үлгілерде серпімділік модулі (G′) тұтқырлық модулінен (G″) жоғары екені анықталды. DmaM мономерін енгізу гидрогельдердің серпімділігін арттырып, құрылымдық тұрақтылығын жақсартты. MBAA кросслинкерінің концентрациясын азайту тор құрылымының босаңсуына және полимер тізбектерінің қозғалғыштығының артуына әкелді. Иондық өткізгіштік зерттеулері гидрогельдердің 10⁻⁵–10⁻³ См/см диапазонында өткізгіштікке ие екенін көрсетті және DmaM мөлшерінің артуы өткізгіштікті бірнеше есе жоғарылатты. Сонымен қатар, DMC еріткішінің концентрациясын оңтайландыру иондардың тиімді тасымалдануына және өткізгіштіктің артуына ықпал етті. Алынған нәтижелер гидрогельдердің қасиеттерін мақсатты түрде реттеуге және оларды биомедициналық қолданбаларда пайдалануға мүмкіндік береді.
Жарияланымдар тізімі
- Mussalimova, M., Gizatullina, N., Yelemessova, G., Taubatyrova, A., Aitkaliyeva, G., Shynykul, Z., ... & Toleutay, G. (2025). Unveiling the Compression Mechanical Properties of AMPS–APTAC–DMAAm Terpolymeric Hydrogels. Gels, 11(12), 941. ttps://doi.org/10.3390/gels11120941