AP22686490 – Титан бар шикізатты хлормен өңдеу кезінде ниобий алу
Жоба мақсаты – құрамында минералды титан бар шикізатты қайта өңдеудің кешенділігін арттыру, отандық металлургиялық кәсіпорындар өндіретін сирек металдар номенклатурасын ұлғайту, ниобийді ілеспе алу есебінен құрамында титан бар минералды шикізатты қайта өңдеудің рентабельділігін ұлғайту, құрамында титан бар шикізатты қоршаған ортаға қайта өңдеу қалдықтарының мөлшерін азайту.
Жоба өзектілігі: Жоба құрамында титан бар шикізатты өңдеудің тиімділігін арттыру, ниобий сияқты сирек металдар өндірісін кеңейту және өнеркәсіптік қалдықтарды азайту арқылы экологиялық жүктемені төмендету қажеттілігіне байланысты өзекті. Сирек металдарға сұраныс артып отырған қазіргі жағдайда бұл бағыт ғылыми және өндірістік тұрғыдан маңызды.
Ғылыми жетекші: Ph.D. докторы, Сарсембеков Турар Кусманович
Күтілетін және қол жеткізілген нәтижелер: Жоба тақырыбы бойынша жүйелі аналитикалық шолу жүргізілді; Бастапқы шикізат - ильменит концентратының және титан қожының химиялық және минералогиялық құрамы анықтала отырып, физика-химиялық зерттеу нәтижелері алынды; Құрамында титан бар шикізатты өңдеудің барлық өнеркәсіптік өнімі бойынша ниобийдің таралуы (%) белгіленді; Құрамында ниобийдің химиялық түрін анықтай отырып, құрамында титан бар шикізатты қайта өңдеудің өнеркәсіптік өнімдерінің физика-химиялық зерттеу нәтижелері алынды.