AP19175313 — Белгісіздік жағдайында бассейндік модельдеу негізінде Шу-Сарысу алабы Тасбұлақ ойпаты палеозой шөгінділерінің көмірсутектік жүйелерін талдау және мұнай-газ әлеуетін бағалау

Жоба мақсаты: 2D сейсмикалық, терең бұрғылау және геохимиялық мәліметтердің минималды мөлшердегі деректері негізінде Тасбұлақ ойпатының палеозой шөгінділері кешені шегінде көмірсутекті жүйелердің қалыптасу тарихын қайта құру және көмірсутек ресурстарының таралу заңдылықтарын анықтау.

Жоба өзектілігі: Шу-Сарысу бассейні Қазақстанның жалғыз басым газды бассейні болып табылады, алайда оның көмірсутек әлеуеті жеткілікті зерттелмеген. Қазіргі заманғы геологиялық барлау әдістері, соның ішінде 2D сейсмикалық барлау және компьютерлік бассейндік модельдеу деректердегі олқылықтардың орнын толтыруға және мұнай-газ жинақтаудың перспективалы аймақтарын анықтауға мүмкіндік береді. Зерттеу елдің ішкі қажеттіліктерін қанағаттандыру және оның энергетикалық секторын дамыту үшін маңызды болып табылатын төмен көміртекті энергия көздерін іздеу мен игеру тиімділігін арттыруға бағытталған.

Ғылыми жетекшісі: Ph.D. докторы, Жұмағұлов Алмас Серікбайұлы

Алынған нәтижелер:  Ғылыми-зерттеу жұмысы барысында Тасбұлақ ойысының геологиялық құрылымы мен көмірсутек жүйелерінің эволюциясы сейсмикалық, бұрғылау және геохимиялық деректерді біріктіру негізінде кешенді түрде зерттелді. Әртүрлі деректер цифрландырылып, олардың негізінде арнайы бағдарламалық қамтамасыз етуді қолдана отырып 3D геологиялық және бассейндік модельдер құрылды. Сейсмикалық профильдер интерпретацияланып, аймақтың тектоникалық дамуын сипаттайтын құрылымдық элементтер анықталды. Көмірсутектердің генерациясы, миграциясы және аккумуляциясы процестері, сондай-ақ жылулық режим мен органикалық заттардың жетілу деңгейі модельденді. Фациялар карталары, табыс ықтималдығы және мұнай-газ геологиялық аудандастыру жасалып, перспективті аймақтар белгіленді. Алынған нәтижелер көмірсутек жүйелерінің бар екенін растап, әрі қарайғы геологиялық барлау жұмыстарын жүргізуге негіз болады.

Жарияланымдар тізімі 

1. Жумагулов А. С., Исмаилова Ж. А. Стратиграфия и литология палеозойских отложений Тасбулакского грабена Шу-Сарысуйского бассейна // Нефть и газ. 2023. № 5 (137). С. 6–16. DOI: https://doi.org/10.37878/2708-0080/2023-5.01. – URL: https://doi.org/10.37878/2708-0080/2023-5.01.
2. Zhumagulov A.S., Ismailova J.A. Geological and geophysical studies and exploratory drilling of Paleozoic sediments in the Tasbulak Graben // Neft’ i Gaz. 2023. Vol. 6 (138). P. 32–42. DOI: https://doi.org/10.37878/2708-0080/2023-6.08. – URL: https://doi.org/10.37878/2708-0080/2023-6.08.
3. Жумагулов А. С. Геологическое строение и перспективы нефтегазоносности средне-верхнепалеозойских отложений Тасбулакского прогиба по комплексу геолого-геофизических данных: дис. … д-ра философии (PhD): 8D07104 – «Нефтегазовая и рудная геофизика» / КазНИТУ им. К. И. Сатпаева. Алматы, 2024. 140 с. Рег. № PhD 00015332824. – URL: https://official.satbayev.university/ru/protection/zhumagulov-almas-serikbaevich.
4. Zhumagulov A., Abetov A., Manzari M. T., Ismailova J. Petroleum systems of the Shu–Sarysu Basin, Kazakhstan: A review of Devonian–Permian gas potential // Geosciences. 2025. Vol. 15. No. 6. Art. 232. DOI: https://doi.org/10.3390/geosciences15060232. – URL: https://doi.org/10.3390/geosciences15060232.
5. Zhumagulov A., Abetov A. 3D Structural Modeling and Analysis of the Devonian–Permian Succession in the Tasbulak Trough, Central Kazakhstan: Insights into Trap Formation and Preservation // Geosciences. 2025. Manuscript ID: geosciences-3930659. DOI: https://doi.org/10.3390/geosciences15120456. – URL: https://doi.org/10.3390/geosciences15120456.