Кен орындарын қазып алу технологияларының цифрлық, компьютерлік модельдеу ғылыми-зерттеу зертханасы

Ғылыми жетекші: т.ғ.д., профессор, ҚР ҰҒА академигі Ракишев Б.Р.

Мақсаты — Қазақстандағы әртүрлі күрделіліктегі қатты пайдалы қазбалар кен орындарында кен өндіру технологияларының ұтымды параметрлерін автоматтандырылған жобалаудың инновациялық әдістері негізінде карьерлер мен шахталардың дайындау және тазарту қазбаларындағы бұрғылау-жару және қазып-тиеу жұмыстарының тиімділігін арттыру бойынша зерттеулер жүргізу.

Зертхананың міндеттері:

1. Карьерлер мен шахталардың дайындау және тазарту қазбаларындағы бұрғылау-жару және қазып-тиеу жұмыстары параметрлерін есептеудің аналитикалық әдістерін әзірлеу;
2. Карьерлер мен шахталардың дайындау және тазарту қазбаларындағы бұрғылау-жару және қазып-тиеу жұмыстары параметрлерін автоматтандырылған жобалауға арналған бағдарламалық қамтамасыз ету мен жүйелерді әзірлеу;
3. Карьерлер мен шахталардың дайындау және тазарту қазбаларындағы бұрғылау-жару және қазып-тиеу жұмыстарының нәтижелерін, яғни жарылған тау-кен массасының түйіршіктік құрамын және бұрғылау-жару жұмыстарын жүргізу тиімділігін есептеудің аналитикалық әдістерін әзірлеу;
4. Карьерлер мен шахталардың дайындау және тазарту қазбаларындағы бұрғылау-жару және қазып-тиеу жұмыстарын автоматтандырылған болжауға арналған бағдарламалық қамтамасыз ету мен жүйелерді әзірлеу;
5. MotionMetrics компаниясының PortaMetrics Gen 2 заманауи портативті жабдығын пайдалана отырып, жарылған жыныстардың түйіршіктік құрамын жедел анықтау үшін өлшеулер жүргізу.

Тұтынушылар: «АК Алтыналмас» АҚ, «Казцинк» ЖШС, «KAZ Minerals», «Корпорация Казахмыс» ЖШС, «Қостанай минералдары» АҚ, «НИИЦ ERG» ЖШС, «Соколов-Сарбай тау-кен байыту өндірістік бірлестігі» АҚ және басқа да жер қойнауын пайдаланушылар.

Зертхананың бірегейлігі — зертханада бұрғылау-жару жұмыстары, қазып-тиеу жұмыстары және басқа тау-кен жұмыстарының параметрлерін автоматтандырылған жобалауға, пайдалы қазбалар өндіру технологияларын болжау мен модельдеуге арналған бағдарламалық өнімдерді әзірлеу үшін заманауи әдістер мен технологиялар қолданылады; сонымен қатар тау-кен жұмыстарының параметрлерін есептеудің аналитикалық әдістерін эксперименттік растауға арналған жаңа жабдықтар пайдаланылады.

Тиімділік: Қазіргі уақытта шаруашылық шарттық жобаларды орындау үшін әлеуетті клиенттермен келіссөздер жүргізілуде.

БҰҰ Тұрақты даму мақсаттарына байланысы:

SDG 4 — Сапалы білім;

SDG 8 — Лайықты еңбек және экономикалық өсу;

SDG 9 — Өнеркәсіп, инновация және инфрақұрылым;

SDG 12 — Жауапты тұтыну және өндіріс