Химиялық-аналитикалық зерттеулер зертханасы

Ғылыми жетекші: т.ғ.к., ассоц.профессор Күбекова Ш.Н.

Мақсаты: Заманауи аспаптық әдістер мен приборларды пайдалана отырып, кен шикізатының және оны өңдеу өнімдерінің заттық және минералдық құрамын кешенді зерттеу жүргізуде Қазақстанның химиялық және тау-кен металлургиялық кәсіпорындарына, бизнес секторына қызмет көрсету.

Зертхананың міндеттері: Барлық мүдделі тараптар үшін химиялық және минералогиялық құрамның, текстуралық-құрылымдық морфологиялық және топографиялық сипаттамалардың кешенді зерттеулерін жүргізу, сондай-ақ ТМК-ның кен, жыныс түзуші минералдары мен техно-минералды түзілімдерінің оптикалық қасиеттерін зерттеу.

Тұтынушылар: «Казфосфат» ЖШС, «Казазот» ЖШС, «Корпорация Казахмыс» ЖШС, «Казцинк» ЖШС, «KAZ Minerals», «Қостанай минералдары» АҚ, «Delma» ЖШС және басқа да жер қойнауын пайдаланушылар.

Зертхананың басқа ұқсастарынан бірегейлігі:

Зертхана поляризациясы бар қуатты энергетикалық дисперсиялық рентгенофлуоресценттік (EDXRF) спектрометрмен — Rigaku NEX CG II екінші буынымен — жарақталған. Rigaku NEX CG II — көп элементті және әмбебап спектрометр.

Артықшылықтары:

• сигнал/фон қатынасын айтарлықтай арттыратын оптикалық жүйенің болуы (сонымен «CG» декарттық түсіру геометриясы деп аталатын);
• дәстүрлі тікелей қоздырудың орнына нысананың монохроматтық екінші реттік қоздырылуы, бұл приборлардың сезімталдығын қосымша арттырады;
• натрийден (Na) уранға (U) дейінгі элементтердің іс жүзінде бұзбай талдауы;
• майлар мен сұйықтықтардан бастап қатты заттарға, металдарға, полимерлерге, ұнтақтарға, пастаға, жабындыларға және жұқа пленкаларға дейін түрлі материалдарда талдау мүмкіндігі;
• Windows негізіндегі QuantEZ RPF-SQX ыңғайлы бағдарламалық қамтамасыз ету;
• элементтердің кең спектрі үшін рентген түтігінің қуаты 50 кВ;
• жоғары өткізу қабілеттілігі бар үлкен ауданды кремний дрейфтік детекторы (SDD).

БҰҰ Тұрақты даму мақсаттарына байланысы:

SDG 4 — Сапалы білім;

SDG 8 — Лайықты еңбек және экономикалық өсу;

SDG 9 — Өнеркәсіп, инновация және инфрақұрылым;

SDG 12 — Жауапты тұтыну және өндіріс;

SDG 17 — Мақсаттарға жету үшін серіктестік